O Ama Tuan rera wulan. Go tudo leik pia ri’e hikun liman wanan, leta
dike ampon sare ti Mo ma’an kuat kuasa Moenem mai hiba kebehe no’on
nalan milane pia dunia lolon ni. Kebehe to’u ni a nulu wahana, nai tada
goka ata diken wahan kae lau doan ata sina. Ata ribhun ratu ra’an nani
lou losen lolon ti onet menange pesayang. Kame ata diken nulu milan, mai
oron sorak naran Moen pia altar aran sina, naku kebehe ni nai hiba
gelibi kuran. Leta pole an’am Yesus nai haput nalan kame ti bera hiba welu no’on oyok golo dai
O Ina tanah ekan, liko lapak lewo kam’e, lewo sina matan Jawa ti kebehe
ni ake egan pawon kame ata ribhun. Hai kirinem heti kowa ago bala, ti
ma’an kame moritem ma’an gelekat suku lewo, gewayan tanah ekan. Leta
poleko muanmu, liko an’am kame rae kiwan lewo pulo, tuda rae wutun sira
demon. Pai hipuka, puli toben kame wahan kae pia tepin tanah tadon.
Sesa kame ma’an bliwuk lema pia tadon ago bala.
Tangerang, 18 Maret 2020
(Kopong Todo Golo, Mamun Tupen sare)
Tangerang, 18 Maret 2020
(Kopong Todo Golo, Mamun Tupen sare)
No comments:
Post a Comment