Ama belen, ama Paya Puru Nama
Kaka yogan kaka Puru Nama Laga
Ama Kopong di Kapitan Sina
Kaka Mamun Saba Poli Murin
Kebe inak, kabe amak, kabe opuk kabe wahek, kabe kakak, kabe arik, melan senaren wahankae, go hulen baat tonga belolo.
Tun pito hiko doan, tobo tabe tika lewo, mio doan ile papa, kame doan ile papa. Wulan lema gela lela, pae tabe bage tana, mio lela woka lola, kame lela woka lola. Pana herunet bo laran laga doni, hala hae bo wulen sugi nuba elun, dimayan ata pata hala. Gawe rupaket bo ewa Tuawolo, hala hae bo lapan peni ero matan, di doen ata bain kurang. Elo pito pai getana kae ni, tobo pai dase mu, ti pia go hiin kai tutu koda. Woken lema haka gelata kae ni, pae haka natanmu, ti pia go hiin kai marin kirin. Ribhun pulo lewo na’an gole, hia Kiwan Lama Doan dano Loba Lama Lewa. Rathun lema tana na’an bue, hia Ekan Lama Lela dano Lewa Liwu Raya. An’am pia mo mabe jadi tali, tawa kala nuba nulan, loge lali tukan buran, ti pana waukek ketaka kadarunu, di peten ka’aro mia take, ti tukan kodi weli kai. Bahim hia me mabe sura lekat, gera kala nara baran, towe teti lolon sabok, ti gawe leleten bo seku lakasao, di sudi ka’aro mirin kuran, ti lolon kode haka kai (bersambung…..)
Leron pito hiko doan, ribhun pulo pia Kiwang Lama Doan dano Loba Lama Lewa, mai buka pita sina, ti ma’an kame pana pai. Hari lema gela lela, rathun lema hia Ekan Lama Lela dano Lewa Liwu Raya, mai balok aran Jawa, ti ma’an kame gawe haka. Weli mai weli uma sika tukan, inak ata ruran puken, na’anek keru dano baki, na’an gatiro ana na nabe jadi tali. Haka mai teti lango losen lolon, binek ata hoi lolon, na’anek wai dano selan, naan heluro bai na nabe sura lekat.
Tekan dike weli uma sika tukan, tekan tao pigan sina, diinak ata ruran puken, nai koda amet, tekan tao kero utan. Tenu sare rae lango losen lolon, tenu liwo makok Jawa, dibinek ata hoi lolon, nai kirin marin, tenu liwo sason baron. Nuba go ata nuba nulan, nuba go mete tobu bangku, ti nuba go ata ola take murek naen, ti bekel ake pate oneke. Nara go ata nara baran, nara go mete pehen pena, ti nara dibelura kuran, ti holat ake helu yoneke. Pi reron hena wa, lera lau seran gere, go guti leik lodo pana, pana peken inak ata ruran puken irae uma sika tukan, nai tobo mete tani mayan. Pi reron he wa, seni weli goran tawan, go semu limak lodo gawe, gawe tulin binek ata hoi lolon, irae lango losen lolon, nai pae mete hutan toen. Pana pai dase mu, ti tena tabe gili wua, papa me mo’on lewo tobo, papa ke moon laran pana. Gawe haka natan mu, ti naot tabe bolak malu, lola me moon tana pae, lola ke moon ewa gawe. Lera weli seran gere, lodo ke moon butu bua, mai sedan ole lagadoni, wutuken oleh Lewotobi, mai sedan saphekem lai sina jawa. Seni lau goran tawan, lodo ke moon bayo dayon, mai gawe wura watopeni, wakonen wura wailebe. Sedan saphekem bo lau tana Jawa, mai gute tutu ama belen pulo kae, budhike dike sumsera Lewo Kiwan Lama Doan dano Loba Lama Lewa. Pai, koda pupuro taan tou sama wua weli wayak. Pai, kirin boitro menoi sama malu weli sepen. (Salam, Kopong ata budi dike)
Ama belen teti kowa kelen tukan
Nobum wato, beledane bala
Kame ata ribhun, leta dike denin sare no’on Mo’e. Mo soron Yesus an’am Mo’en, lodo pia tana ekan. An’a mo’en uhurem tukan, nai huba bolaka no’on suri sangarian. Nai bolak tuberun teti krus kayo bala, ti na’an hipe ata ribhun, lapak ata rathun. Mehin ba hau liwo nuba, lebo nara. Kakan keru arin baki, bekel ake pate oneke. Koda aya-aya ni, ka’an gatiro koda koke liko sina. Holat ake helu yoneke, kirin rain-rain ni, ka’an heluro kirin bale milin jawa.
Kaka yogan kaka Puru Nama Laga
Ama Kopong di Kapitan Sina
Kaka Mamun Saba Poli Murin
Kebe inak, kabe amak, kabe opuk kabe wahek, kabe kakak, kabe arik, melan senaren wahankae, go hulen baat tonga belolo.
Tun pito hiko doan, tobo tabe tika lewo, mio doan ile papa, kame doan ile papa. Wulan lema gela lela, pae tabe bage tana, mio lela woka lola, kame lela woka lola. Pana herunet bo laran laga doni, hala hae bo wulen sugi nuba elun, dimayan ata pata hala. Gawe rupaket bo ewa Tuawolo, hala hae bo lapan peni ero matan, di doen ata bain kurang. Elo pito pai getana kae ni, tobo pai dase mu, ti pia go hiin kai tutu koda. Woken lema haka gelata kae ni, pae haka natanmu, ti pia go hiin kai marin kirin. Ribhun pulo lewo na’an gole, hia Kiwan Lama Doan dano Loba Lama Lewa. Rathun lema tana na’an bue, hia Ekan Lama Lela dano Lewa Liwu Raya. An’am pia mo mabe jadi tali, tawa kala nuba nulan, loge lali tukan buran, ti pana waukek ketaka kadarunu, di peten ka’aro mia take, ti tukan kodi weli kai. Bahim hia me mabe sura lekat, gera kala nara baran, towe teti lolon sabok, ti gawe leleten bo seku lakasao, di sudi ka’aro mirin kuran, ti lolon kode haka kai (bersambung…..)
Leron pito hiko doan, ribhun pulo pia Kiwang Lama Doan dano Loba Lama Lewa, mai buka pita sina, ti ma’an kame pana pai. Hari lema gela lela, rathun lema hia Ekan Lama Lela dano Lewa Liwu Raya, mai balok aran Jawa, ti ma’an kame gawe haka. Weli mai weli uma sika tukan, inak ata ruran puken, na’anek keru dano baki, na’an gatiro ana na nabe jadi tali. Haka mai teti lango losen lolon, binek ata hoi lolon, na’anek wai dano selan, naan heluro bai na nabe sura lekat.
Tekan dike weli uma sika tukan, tekan tao pigan sina, diinak ata ruran puken, nai koda amet, tekan tao kero utan. Tenu sare rae lango losen lolon, tenu liwo makok Jawa, dibinek ata hoi lolon, nai kirin marin, tenu liwo sason baron. Nuba go ata nuba nulan, nuba go mete tobu bangku, ti nuba go ata ola take murek naen, ti bekel ake pate oneke. Nara go ata nara baran, nara go mete pehen pena, ti nara dibelura kuran, ti holat ake helu yoneke. Pi reron hena wa, lera lau seran gere, go guti leik lodo pana, pana peken inak ata ruran puken irae uma sika tukan, nai tobo mete tani mayan. Pi reron he wa, seni weli goran tawan, go semu limak lodo gawe, gawe tulin binek ata hoi lolon, irae lango losen lolon, nai pae mete hutan toen. Pana pai dase mu, ti tena tabe gili wua, papa me mo’on lewo tobo, papa ke moon laran pana. Gawe haka natan mu, ti naot tabe bolak malu, lola me moon tana pae, lola ke moon ewa gawe. Lera weli seran gere, lodo ke moon butu bua, mai sedan ole lagadoni, wutuken oleh Lewotobi, mai sedan saphekem lai sina jawa. Seni lau goran tawan, lodo ke moon bayo dayon, mai gawe wura watopeni, wakonen wura wailebe. Sedan saphekem bo lau tana Jawa, mai gute tutu ama belen pulo kae, budhike dike sumsera Lewo Kiwan Lama Doan dano Loba Lama Lewa. Pai, koda pupuro taan tou sama wua weli wayak. Pai, kirin boitro menoi sama malu weli sepen. (Salam, Kopong ata budi dike)
Ama belen teti kowa kelen tukan
Nobum wato, beledane bala
Kame ata ribhun, leta dike denin sare no’on Mo’e. Mo soron Yesus an’am Mo’en, lodo pia tana ekan. An’a mo’en uhurem tukan, nai huba bolaka no’on suri sangarian. Nai bolak tuberun teti krus kayo bala, ti na’an hipe ata ribhun, lapak ata rathun. Mehin ba hau liwo nuba, lebo nara. Kakan keru arin baki, bekel ake pate oneke. Koda aya-aya ni, ka’an gatiro koda koke liko sina. Holat ake helu yoneke, kirin rain-rain ni, ka’an heluro kirin bale milin jawa.
No comments:
Post a Comment